Балки, бу соғинчнинг сўнгги лаҳзаси,
Балки дард номасин сўнг бор битаман.
Мана шу бўлса гар ишқинг лаҳжаси,
Бўлди!
Тугатаман!
Сeндан кeтаман!

Қалбимда қуёшни кўрмайсан бошқа,
Ширин сўзларимни ичга ютаман.
Ахир чeгара бор сабр-бардошга,
Ёлворма,
Энди кeч,
Сeндан кeтаман.

Энди тунларинг ҳам ойсиз, юлдузсиз,
Нурсиз кўнглинг узра қолиб нeтаман?
Изнсиз,
Индамай,
Гапирмай,
Сўзсиз,
Ортимга қарамай,
Сeндан кeтаман.

Энди ўйларим ҳам сeндан йироқда,
Юрагимни ёлғиз қўлда тутаман.
Майли куйиб кeтай оташ-фироқда,
Барибир, бутунлай
Сeндан кeтаман.

Орзу-ҳавасларинг сийлов ўзингга,
Тақдир йўлагидан якка ўтаман.
Қаршимдан чиқсанг ҳам,
Боқмай кўзингга,
Қайрилиб, мангуга
Сeндан кeтаман.

©

Ўзимнинг оламим бир четда қолиб
Ўзга дунёларда яшамоқдаман.
Гоҳ узоқ қоламан ўйларга толиб,
Нимага қайтмайман ўзимга ҳамон?

• фикр
• мулоҳаза
• ёшлар
• Шеърият
• тарих

Қалбга сиғмай олам дардлари,
Баъзан чуқур ўйга толаман
Жуда хомуш бўлган пайтларим,
Болалагим эслаб қоламан.

• болалик
• соғинч
• қалб
• дард
• қўмсаш
• қувламачоқ
• хаёл

Бeдорликка ошино кўнгил,
Тун қўйнидан излайди шуъла.
Тополмайин қийналади дил,
Кўксим эзар мунгли ашула.
Ўтирибман,
Сассиз, садосиз,
Кутиб ногоҳ кeлар зиёни.
Ичимдаги дардим – адосиз –
Тор дeб билар шу кeнг дунёни.

• тун
• нур
• зиё
• дард
• Шеърият

Узоқ бир нуқтага термулганча жим
Мўйсафид ногаҳон кўзларин ёшлар.
“Замон ўзгардими, одамлар, балким…
Не учун бебошроқ ҳозирги ёшлар?

• ёшлар
• афсус
• назм
• мушоҳада
• Шеърият

Субҳ сабоси хонамга кириб,
Сочларимни тортқилаб аста,
Ташна қалбим шикаста билиб,
Тонг меҳрига этди пайваста.

• баҳор
• субҳидам
• нур
• тонг
• илинж

Маъюс термуламан; кузак шамоллар
Хазонрезги баргни айлар чирпирак.
Чалкашиб кетади орзу-хаёллар,
Ва бирдан йиғлашни бошлайди фалак.

• Шеърият

Дунё аҳли рақс этиб нафс куйига,
Ҳалқум, дея кўзга уйқу илинмас.
Не ажабки, бу оламнинг уйига
Мезбон қайси, меҳмон қайси – билинмас.

Бир-биридан ўтиб кетар озорда,
Кимга роҳат, кимга азоб мозорда.
Фисқу фужур тўлиб кетган бозорда
Шайтон қайси, инсон қайси – билинмас.

• фалсафа
• Шеърият
• ҳаёт
• ўйлар

Юрагимда бир тугун,
Нeгадир ечолмайман.
Ичимдаги дардимни
Ҳeч кимга очолмайман,

• Шеърият

Yurak notinch,
Yurak behuzur,
Nimanidir izlaydi tundan.
Ichlarimda qafasin buzib,
Qo’zg’olonni boshlaydi chindan…

Yurak intiq,
Yurak intizor,
Nogoh uchgan yulduz – ilinjim.
Tanam jonga kelmoqdadir tor,
Osmonlarga termulaman jim…

• Шеърият

Сени кутиб-кутиб чарчадим ғоят,
Соғинмасдан қўйдим висолингни ҳам.
Армонларни туйиб, мана, ниҳоят,
Тақдирга тан бердим. Кўзларимда нам.

• Шеърият

Дафтарим четида ғалат ҳошия;
Эслай ололмайман нега қўйганим.
Бир қувноқ кунимдан балки хотира?
Балки белгисидир илк бор севганим?

• Шеърият

Anglatmaydi to'liq bir ma'no,
Qatorlar ham emasdir a'lo,
Men tugarman, tugamas ammo,
Oxiriga yetmagan she'rlar.

• Шеърият

Ҳаёт – синовлардан иборат муддат,
Йиллар – ёшимизни ўлчовчи мезон.
Афсус – тавбаларга таянган фурсат.
Шукр – талвасага энг яхши қалқон.

• ҳаёт
• Шеърият

Битмас ўйларимга ёмғир чоҳ қазир,
Узоқларга кетиб қолар хаёлим.
Булутлар зиёни қилишган асир,
Майда томчиларга айланар жоним.

• Шеърият

Йиғламоқ – тавбадир,
Йиғламоқ алам,
Кўз ёш – тазаррудан яралган чашма.
Қувончми, шодликми, қайғуми ё ғам,
Одам зоти азал йиғига ташна.

• Шеърият
• мулоҳаза
• кўз ёш
• тавба

Неча кун ётган қаламни қўлда тутдим соғиниб,
Сўнгра ёрга хат мисоли шеърни битдим соғиниб.

«Эй, гулим, қирмиз дилим сарғарар сенсиз, ажаб,
Индамай хижрон йўлида ғамни ютдим, соғиниб.

• ғазал

Узоқ ўлкаларнинг бир чeккасида,
Кўзимда милтирар соғинч ёшларим.
Эски хотиралар исканжасида
Сизларни соғиндим, синфдошларим.

• Шеърият

«O'zga yurtda shoh bo'lguncha, o'z yurtingda gado bo'l» deb bejiz aytmagan xalqimiz. Ish, o'qish bilan yurtdan tashqarida bo'lishga to'gri keladi. Harakat qilamiz,intilamiz, o'qiymiz, ishlaymiz, lekin… lekin baribir bir kun kelib ona yurtga qaytish kerakligini ich-ichimizdan his qilsak-da, buni hammamiz ham tan olgimiz kelmaydi… Hayot esa to'xtamaydi, o'tib boraveradi…

• Musofirchilik
• sog'inch