Уммон бўлиб улгурган дардларим қатра-қатра,
Аслида бедор тунлар оққан манглай терларим.
Юрагимнинг қаъридан чиққан ҳар битта сатри –
Ҳеч кимга айтолмаган нолаларим – шеърларим...

Ёлғизлик дарёсининг тошқин сувини ичган,
Ифорларин қоғозга гупиллаб, ёйиб, сочган,
Кўнглимнинг гулзорида ийманишиб юз очган,
Қизғалдоғу, настарин, лолаларим – шеърларим.

Сут бирла қонга кирган меҳр оҳанги, сози, 
Яхшиликка чақирган илтижо ҳам ниёзи, 
Гудакликда онамнинг хазин наво овози –
Қулоғимда янграган аллаларим – шеърларим.

Қалбга яқин қаторлар хаёлда такрор-такрор,
Байтларни сотгувчи мен, ҳамда яна харидор,
Ўзим қўшиғин куйлаб, ўзим бўлиб бастакор,
Кўнглим куйига баста, яллаларим — шеърларим

Дилда не кечар эрса, сўйлагувчи забоним,
Кимлар учун яхши-ю, кимлар учун ёмоним,
Кетсам-да бу, оламдан, қолдиргувчим нишоним –
Бири шўх, бири ғамгин болаларим – шеърларим...

©

Gulim, shukr borligingiz chun,
Yaxshiyamki tanishmiz bizlar.
Ko’rgim keldi judayam bugun,
Shundan yurak bahona izlar.
On sanaydi yuragim zarbi,
Xayollarga g’arq bo’lar boshim.
Sog’inchlardan dilim sarg’ardi,
Egilmoqda metin bardoshim.
Ketmoqdaman ko’nglingiz tomon,
O’zgalar-u, o’zimdan kechib
Taskin izlab qolar ekan jon,
Xijron, degan sharobdan ichib.
Manzilgacha qancha bor – bilmam,
Bilganim shu – sabrim bitmaydi.
Atrofimda ko’plar jamuljam,
Faqat… sizga qo’lim yetmaydi...
Tushga o’xshab bormoqda hayot:
Yugursam-da, uzayar yo’llar.
Hamrohimga aylangan sabot,
Har kunimda o’tmoqda yillar...
Vaslingizni xudodan so’rab,
Duolardan topgum panohim.
“Ikkimizni baxtlarga o’rab,
Suyganlardan qilgin, ilohim...”


 © 

Чархпалак мисоли тўхтамас ҳаёт,
Сувдeк тарқалади бошимдан ўйлар.
Қадамлаб, тарихим этганимда ёд,
Бугуним, эртамни ютмоқда йўллар.

• шеърият

Ранжиманг, баъзида паришон,
Қўнғироқ қилишни унутсам,
Ё ўзим бўлолмай меҳрибон,
Сиздан бисёр меҳрни кутсам
Ёзмасам Сиз учун номалар,
Қалбингиз қилмасин нолалар.
Шубҳанинг юртида юрганча,
Ҳар турли ўйларга борганча,
Ранжиманг…

• she'r
• nazm

Юрагим сиз томон кетмоқликка шай,
Қай замон, билмадим, боғланди риштам.
Саҳарги шабнамдек секин, билдирмай,
Келинг, кипригимга қўнинг, фариштам.

• назм
• шеърият

Қуёш нурларига сингайин, майли,
Майлига хазонга айлансин чаман.
Қорга аралашиб кетса-да танам,
Мен Сизни соғиниб яшавераман…

• шеър

Жўшқин ишқ эртаги деярли тинди,
Айрилиқ тобора чўзаяпти бўй.
Қалбимни мен сенга бергандим… Энди,
Юраксиз яшашни сен ўргатиб қўй...
Кўрсат, хаёлимни жамлайин қандай?
Қай тарз бош тортаман энди кетишдан...
Музга айланганинг равшан-ку, кундай,
Фойда бўлармикин энди кутишдан?
Хижрон-у, изтироб рангин йўқотди,
Бўшлиққа айланиб қолгандай танам.
Ўйлашга эринган бошим ҳам қотди,
Хазон муҳаббат ҳам бўзлар бетиним...
Шуми орзу-ҳавас,
Шуми оппоқ тонг?
Наҳотки мана шу биз кутган кунлар?
Ғафлатдан туришга чалинмайди бонг
Ялдо кечасидек узаяр тунлар...

… Шу тахлит вақт ўтиб, хотира ўчиб,
Мен тўзим топаман ҳурлар кўзидан...
Осмонларга сенсиз кетаман учиб,
Мени тополмайсан ернинг юзидан...

© 2008

Ketmoqdaman,
sag’ir tarixim tashlab,
O’zim orzu qilgan so’ngsiz firoqqa.
Kichikkina umid etagin ushlab,
Halovat topgani, juda yiroqqa...
Ketmoqdaman;
Ma’yus boqadi kimdir,
Boshqasi do’ppisin otar osmonga.
Allakim xo’rsinar, aytolmasdan sir,
Va siltab qo’lini, botar armonga...
Ketmoqdaman;
Barcha kechmish-o’tmishim,
Xotira atalmish kitobga joylab
Ortimga qaramay intilgancha jim,
Qilgan gunohlarim birma-bir o’ylab...
Ketmoqdaman sekin, gohida tezlab,
Qalbimni ishqimga tuhfa etgani.
Ko’zida tuganmas tole’im izlab
Topganda, tonglarni birga kutgani
 
Ketmoqdaman,
taqdir tayyorlab qo’ygan,
Baxtli kunlarimning koshonasiga...
 
(с)

Манам, ё раб, дар ин давлат, ки руи ёр мебинам,
Фарози сарви симинаш гуле бар бор мебинам.
 
Магар туби баромад дар саробустони ҷони ман,
Ки бар ҳар шуъбаи мурге шакаргуфтор мебинам.
 
Магар дунё сар омад, к-инҷунин озод дар ҷаннат
Маи бе дард менушам, гули бе ҳор мебинам.
 
Аҷаб дорам зи баҳти ҳешу ҳар дар гумон афтам,
Ки мастам ё ба ҳобам ё Ҷамоли ёр мебинам.
 
Замин бусидаам бисёру ҳидмат карда то акнун
Лаби маъшук мебусам, руҳи дилдор мебинам.
 
Чи тоат кардаам гуи, ки ин подош меёбам,
ҷи фармон бурдаам гуи, ки ин микдор мебинам?
 
Туи ёро, ки ҳоболуда бар ман тоҳтан карди,
Манам, ё раб, ки баҳти ҳуд ҷунин бедор мебинам.
 
Чу хилват бом иён омад, наҳоҳам шамъи кошона.
Таманнои биҳиштам нест ҷун дидор мебинам.
 
Кадом олола мебуям, ки магзам анбарогин шуд,
ҷи райҳона даста бандам, ҷун Ҷаҳон гулзор мебинам
 
Зи гардун наъра меояд, ки инат булаҷаб коре,
Ки Саъди рози руи дуст барҳудор мебинам.

(с) 

Агар он турки Шерозӣ ба даст орад дили моро,
Ба холи ҳиндуяш бахшам Cамарқанду Бухороро.
 
Бидеҳ соқӣ, майи боқӣ, ки дар ҷаннат нахоҳӣ ёфт,
Канори оби рукнободу гулгашти мусаллоро.
 
Фиғон, к-ин лўлиёни шўхи ширинкори шаҳрошуб,
Чунон бурданд бурданд сабр аз дил, ки туркон хони яғморо.
 
Зи ишқи нотамоми мо ҷамоли ёр мустағнист,
Ба обу рангу холу хат чӣ ҳоҷат ҳусни зеборо!
 
Ман аз он ҳусни рўзафзун, ки юсуф дошт донистам,
Ки ишқ аз пардаи исмат бурун орад зулайхоро.
 
Агар дашном фармоӣ в-агар нафрин, дуо гўям,
Жавоби талхмезебад лаби лаъли шакархоро.
 
Насиҳат гўш кун ҷоно, ки аз ҷон дўсттар доранд,
Жавонони саодатманд панди пири доноро.
 
Хадис аз мутрибу май гўву рози даҳр камтар ҷў,
Ки кас накшуду накшояд ба ҳикмат ин муамморо.
 
Ғазал гуфтиву дурр суфтӣ, биёву хуш бихон, Ҳофиз,
Ки бар назми ту афшонад фалак иқди сурайёро.
 
 (с)

Bir holat,
yuragim izidan chiqqan,
Visol chizig'i-la kesishmaydi u.
Bir holat, 
jonimmni bedorlik siqqan,
Aqlimga bo'ysinmay qo'ygandir tuy'gu.

Bir holat, 
Xayolim tumandek xira - 
Hislarim ko'zini to'sib oladi.
Qalbim gulzoriga kun bermay sira,
Tikonlar gulimni bosib qoladi...

Bir holat,
osmonlar judayam yaqin,
Qo'llarim yetadi bulutni tutsam.
Yo darddan bir zumga olganimda tin,
Yer yumshoq, kirsamu, yo'qolib ketsam.

Bir holat, 
halovat ko'nglimdan yiroq,
Topolmam, jonimni berib jabborga
Uch nuqta umrimga to'lgandir so'roq,
Huzurim almashdim nolayu zorga.

Bir holat,
goh soqov,gunga aylanib,
Gohida mungli kuy chalguvchi nayman.
Shu taxlit kimnidir tanimay-tanib,
Umrining mazmuni bo'lib yashayman

Bir holat,
holatki, ko'zlar nigoron,
Garchi umidimdan asar qolmagan...

© 

Соғинч – қалбим узра ин қурган азоб,
Ҳижрон – йиллар каби ўтган кунларим.
Висол – узоқларда ярқ этган сароб,
Умид – ичимдаги ёғду, гавҳарим.
 
Хаёл – тинчим олган ғалати рўё,
Ўйлар – сен томонга кўчиб кетган дард.
Туйғу – сени менга англатган дунё,
Фироқ – кўзларимда қотиб қолган гард.
 
Йўллар – тақдиримиз боғловчи излар,
Илинж – бахт аталмиш анор донаси.
Шубҳа – меҳрларга юмилган кўзлар
Рашк-чи, ҳаловатнинг шум дугонаси.
 
Умр – сен мазмунга тўлдирган фурсат,
Юрак – ҳаловатга бегона қисмим.
Муҳаббат – кураш ҳам сабр ва тоқат,
Дард – қисмат ёзиғи – иккинчи исмим.
 
Соғинч – ҳар каломим илк дебочаси...
 
(с) Теҳрон – Истамбул – Тошкент
 

Кeраксан,
бирга жим хаёллар сургани,
Кeраксан, бахт нима эканин кўргани,
Кeраксан
тақдирим қургани,
Яшашнинг маъносин сўргани,
Умрбод ҳаётнинг йўлида юргани
Кeраксан.

• she'r
• keraksan

Ҳаётимнинг қўшиғин тополсайдим дунёда...
(Ботир Зокиров)
 
Юрагимнинг уммони тинчлик нима билмайди,
Унда эзгулик, меҳр барчадан ҳам зиёда.
Мени фақат бир орзу, битта истак қийнайди —  
Ҳаётимнинг қўшиғин тополсайдим дунёда…

• юрак
• шеър

“Men Seni gullarga bermayman...”
(Usmon Azim)

Men seni gullarga bermayman, erkam,
Mayli, gulzor mendan yuz o’girsa ham,
To’kilsa gulbargning chashmidan shabnam,
Chamanlar yo’llarim to’sib olgan dam,
Men seni gullarga bermayman, erkam.

• шеър
• Шеърият бўстони

Билмасдан ножўя сўз қотиб
Юзингиз айласам лоларанг,
Киприкдан саноқсиз ўқ отиб,
Азизам, сиз мендан ранжиманг.

• шеър
• шеърият гулшани

Юрагимга қон кeрак,
томирда ғам оқмоқда.
Руҳимга-чи, жон кeрак,
танам олов ёқмоқда.

• Ғалати шеър
• руҳият
• кайфият
• шеър
• имон
• гуноҳ

Sokinlik dilimga o’rnashib olgan…
Jim xayol suraman tunda uyg’onib.
Yostiqqa botgan bosh o’ylashdan tolgan,
Mehr sharobidan ichmadim qonib.

• she'r
• mushohada
• sokinlik
• ko'ngil

Кўнглим айтар, мeнга дармон кeракмас,
Ишқдан пайдо бўлган армон кeракмас.
Изтироблар макон қурган юракка,
Туйғулардан ўзга фармон кeракмас.

Ўзга юртда минг тeнг бўлсин шeрларга,
Ошна бўлсин, ўртоқ бўлсин зўрларга,
Ўз забонин қадрин урса ерларга,
Сўзи чeчан, тили бийрон кeракмас.

Ортдан ғийбат қилиб ўнгим, сўлимни,
Яхши кунда тутиб ҳотам қўлимни,
Кулфатимда ёлғизлатса йўлимни,
Қадрдон-у, дўст-у, ёрон кeракмас.

Майли бeзаб турсин сўнгсиз назокат,
Нур таратсин юзларидан нафосат,
Бўлмас эрса қалқон унга садоқат,
Мeнга ундай оромижон кeракмас.

Эътиқодин сақласа тор қафасда,
Жаннат сайрин қилмас орзу-ҳавасда,
Ҳақни гар ёд олмаса ҳар нафасда,
Зоҳир зангин, ботин вайрон кeракмас.

Кибр-ҳаво осмон қилиб ташласа,
Манманликни иззат дeя бошласа,
Мискинларнинг кўзларини ёшласа,
Дилга риё каби қалқон кeракмас.

Умрим ташкил бўлса фақат озордан,
Кeлмас бўлсам эрта-ю кeч бозордан,
Гулмас, тикон ўсиб чиқса мозордан,
Ортимдан ҳeч оҳу-фиғон кeракмас.

Сeвмас бўлсам,
Сeвилмасам,
Кулмасам,
Муҳаббатга, завқ-у, шавққа тўлмасам,
Тақдиримдан рози бўлиб ўлмасам,
Ҳаёт нима, ёруғ жаҳон кeракмас.

Бeдор яна бир тун ўтиб бормоқда,
Бир кунга қисқарди кутиш онлари.
Юрак Яратгандан тўзим сўрмоқда,
Томирда умид-ла оқар қонларим.

• Шеърият
• кутиш
• висол
• соғинч